HATAW! D'yaryo ng Bayan hatawtabloid.com
DAGUPAN CITY – Arestado ang isang personnel ng Philippine Coast Guard (PCG) sa lungsod ng Dagupan makaraan gahasain ang isang 13-anyos dalagita at binayaran ng P200 pagkatapos.
Ayon kay PO2 Janine Aquino ng Women and Children Protection Desk (WCPD) Dagupan, positibong nagahasa ang menor de edad base sa lumabas na resulta sa pagsusuri sa kanya.
Napag-alaman, sa salaysay ng kaibigan ng biktima, pumasok ang kanyang kaibigan sa sub-station ng PCG at iniwanan na niya ito.
Ngunit naroon pala ang 25-anyos suspek na hindi na pinangalanan, at nagpamasahe sa biktima.
Ngunit hinawakan ng suspek sa maseselang parte ng katawan ang biktima at minolestiya.
Pagkaraan ay umuwi ang biktima sa kanilang bahay na tulala habang hawak ang P200 na ibinayad ng suspek.
Sa puntong ito, isinalaysay ng biktima sa mga magulang ang nangyari sa kanya.
Nagpasya ang mga magulang ng biktima na magsumbong sa pulisya na nagresulta sa pagkakadakip sa suspek.
