Luis Manzano ayaw makipag-plastikan kay Jennylyn Mercado (Di raw alam ang magiging reaksyon kapag nagkita sila ng ex na aktres)

KUNG si Jennylyn Mercado ay handa nang makipag-usap sa dating nobyong si Luis Manzano dahil gusto raw ng actress ng good vibes, si Luis nang mainterbiyu kamakailan ay nagsalita na. Hindi raw niya alam kung ano ang magiging reaction niya sakaling magkita o magkasalubong sila ni Jenn sa isang lugar?

Siguro kaya nasabi iyon ng TV host actor kasi hindi talaga maganda ang naging paghihiwalay nila noon ng dating karelasyong aktres. So pwedeng nagkasala sa kanya si Jenn o may bagay silang mga napagtatalunan noong time na sila pa. Well sa aming palagay kung ano man ‘yun ay itatago na lang pareho ng dalawa ang totoong rason ng kanilang break-up na matagal ring pinag-usapan at pinagpiyestahan ng mga reporter.

Saka pagdating sa buhay pag-ibig, happy na si Luis sa piling ni Angel Locsin, na sabi ay pakakasalan na ng actor. Si Jennylyn naman ay patuloy na nauugnay sa ex na si Dennis Trillo na ang sabi ay back to each other arms na ang drama. Pero ang advantage ay parehong maganda ang takbo ng career ngayon ng dalawa sa magkaibang network. Si Luis talagang matagal nang

In demand as an actor and host, pero itong si Jenn mas lalong naging popular ang name nang kumita ng almost P200 million sa takilya ang MMFF entry movie nila with Derek Ramsay na “English Only Please,” na nakatakdang ipalabas rin sa iba’t ibang bansa. Maganda rin ang rating ng bagong teleserye nito sa GMA 7 na Second Chances.

They both deserved naman this gyud!

ni Peter Ledesma