Sarah Lahbati, mapanukso ang alindog

ni Roldan Castro

NAPANSIN namin na magkamukha na sina Bea Binene at Jake Vargas sa Liwanag sa Dilim. Nag-aapoy din ang chemistry ng dalawa kahit hindi pa-sweet ang movie at malayo ito sa mga pa-cute nilang pelikula. Walang humpay ang mga makapigil-hiningang tagpo at walang patid ang rambulan sa pelikulang handog ng APT Entertainment. Kakaiba ang konsepto ng Liwanag Sa Dilim na showing na ngayon, February 11.

Sa pelikula, dahil sa pagiging likas na adventure ng mga kabataan, nakatuklas sila ng malaking sikreto. Ginamit nila ang social media sa misteryong ‘yun pero sila rin ang biktima ng kanilang kakulitan. Magsisilbing warning ang Liwanag Sa Dilim sa mga kabataan na alipin ng social media na hindi lahat ng nakikita ay dapat ilantad sa makabagong sistema ng pagpapalabas ng impormasyon.

Ang ganda ng cinematography ng pelikula. Ang ganda rin ni Sarah Lahbati sa Liwanag Sa Dilim at mapanukso ang kanyang alindog. Super havey ang kanyang role. Fabulous din ang special effects lalo na ang labanang Jake, Bea, at Igi Boy Flores versus Sarah.

Ang director ng Liwanag Sa Dilim ay si Richard Somes.