Pekeng ‘Frozen’ dolls may lason

ANG pekeng ‘Frozen’ dolls na hango sa pelikulang “Frozen” na ibinebenta sa Divisoria district ay hindi lamang lumalabag sa intellectual property rights, kundi maaari ring mapanganib dahil sa pagtatalay ng kemikal na phthalate.

Ang phtalates, ang synthetic chemicals na ginagamit para mapalambot ang polyvinyl chloride (PVC) products, ay natuklasan sa sample dolls na binili at sinuri ng EcoWaste Coalition.

Ayon sa grupo, ang fake Anna, Elsa at Olaf dolls ay ibinebenta sa pangalang katulad ng “Disney Frozen,” “Fashion Freeze,” “Fashion Frozen,” “Frozen,” “Girl Snow,” “Happy Doll Collection,” “Happy Every Day,” “Magic Snow” at “Sweet Fashion.”

Sinabi ni EcoWaste coordinator Anthony Dizon, maaaring maisubo ng mga bata ang mga bahagi ng manika o makain ang mga ito.

Kapag nakain aniya ang kemikal na phthalates, maaari itong makaapekto sa hormone functions at magdulot ng problema sa kalusugan katulad ng asthma, reproductive disorders at cancers.

“Our country also limits phthalates in toys.  However, we have yet to hear a single case of toy ban or recall due to excessive phthalate content despite the availability of PVC toys in the local market,” dagdag ni Dizon.