KZ Tandingan, sinagot ang lesbian issue

SASABAK si KZ Tandingan sa kanyang unang Valentine concert sa mismong araw ng mga puso. Ito ay pinamagatang KZ 4 U at gaganapin sa Crowne Plaza.

Pero bukod sa kanyang gagawin sa naturang concert, napag-usapan sa presscon nito ang tsismis ng umanoy’y pagi-ging lesbian ng X Factor grand winner. Lalo’t nagpaigsi siya ng buhok ngayon.

“Ako as long as I know who the real me is, as long as my family knows who I really am at ‘yung mga taong nagma-matter sa akin alam kung sino ako at naniniwala kung ano ako, iyon lang ang importante sa akin.

“Actually ‘di ba, being a lesbian and being a tomboy are totally two different terms? It’s just people don’t know kung ano talaga, kung anong ibig sabihin niyon.

“Kasi ako talaga, mahilig ako magdamit ng panlalaki dahil mas comfortable kasi. Hindi ako comfortable sa mga heels, mga ganon… But I’m straight, super straight,” saad ni KZ.

Aminado siyang nakaka-offend kung huhusgahan siya ng ibang tao, lalo na dahil sa kanyang buhok.

“Siyempre po mao-offend ka, kasi hindi ba, jina-judge ka ng mga tao kahit hindi ka naman talaga ganoon. Pero at the same time, maaawa ka rin sa kanila, kasi, wala na silang ibang mahalagang bagay na puwedeng gawin kundi manira ng ibang tao, kundi mag-judge ng iba tao.”

Sakaling intrigahin na su-sunod siya kay Charice Pempengco, sinabi rin ni KZ na hindi naman ito tama. “Kapag ganoon, I get offended. Every time na sinasabi nila na, ‘Ay susunod kay Charice.’ I mean sobrang offensive naman ‘yun para sa tao. Kung ano man -yung sexual pre-ference ni Ms. Charice, it has nothing to do with her as a singer.

“If sasabihin nilang susu-nod kay Charice, ‘Why not!?’ I mean sa na-attain ni Ms. Charice sa career niya, why not!? Hello! Just because of the hair, you judge people?” Nakangiting reaction pa niya.

Makakasama ni KZ sa Va-lentine’s concert niyang ito sina Jimmy Marquez, Tippy Dos Santos, at iba pang surprise guests. Directed by Calvin Neria, ang KZ4U ay prodyus ng Pink Ma-nagement Production Inc. at ng Crowne Plaza Manila. For ticket reservation, please call 633-7222 or log on to facebook.com/crowneplazamanila.

ni Nonie V. Nicasio