HATAW! D'yaryo ng Bayan hatawtabloid.com
MAMI-MISS ng supporters sina Inigo Pascual at Julia Barretto dahil huling linggo na nila ngayong Linggo, Pebrero 8 para sa episode ng Wansapanataym Presents Wish Upon A Lusis.
Pero dahil sa ganda ng tandem nina Inigo at Julia ay may follow-up serye ang dalawa pagkatapos ng pelikulang isinu-shoot nila.
Panoorin muna ang pagtatapos ng Wish Upon A Lusis na sa pagkawala ng isa sa kanyang mga magic lusis na may kapangyarihang tuparin ang anumang hiling, magdedesisyon si Joy (Julia) na isakripisyo ang kanyang natitirang kahilingan para ibigay na lamang ito sa nagnakaw na si Minerva (Susan Africa).
Matutupad pa kaya ang kahilingan ni Joy na magkaroon ng sariling pamilya ngayong ubos na ang mga magic lusis? Ano nga ba ang sikretong matutuklasan ni JP (Iñigo) na magdadala ng malaking pagbabago sa buhay ni Joy?
Bukod kina Inigo at Julia ay kasama rin sina Perla Bautista, Bobby Andrews, Miguel Vergara, Eunice Lagusad, Kazumi Porquez, Daisy Reyes, at Ana Roces mula sa panulat ni Joel Mercado at direksiyon nina Manny Palo at Rahyan Carlos.
Ang original story book ng batang Pinoy na Wansapanataym ay mula sa produksiyon ng Dreamscape Entertainment Television, ang grupong may likha ng mga de-kalibre at top-rating TV masterpiece gaya ng Walang Hanggan, Ina, Kapatid, Anak, Juan dela Cruz, at Ikaw Lamang.
ni Reggee Bonoan
