Nash Aguas, may payo sa mga kabataan

 

nashMAY payo ang Bagito lead star na si Nash Aguas para sa mga tulad ni-yang bagets. Personal na isinusulong ni Nash ang kahalagahan ng tamang paggabay sa mga kapwa niya kabataan at umaasa siya na sa pamamagitan ng online forum nilang “Bagito Hangout” ay maka-tutulong ang kanilang programa sa mga batang manonood.

“Para sa mga kabataang gaya ko na mas madalas na nakatutok sa Internet at social media, malaking bagay na may ‘Bagito Hangout’ na puwedeng lapitan at hingan ng payo. Dahil sa panahon namin ngayon na marami nang tukso at masasamang impluwensiya na posibleng ikasira ng aming buhay,” pahayag ng Kapamilya young star kaugnay ng online forum na bukas din para sa mga magulang na nag-aalala sa kapakanan ng kanilang mga anak.

Ang “Bagito Hangout” ay inilunsad na online forum ng ABS-CBN at Center for Family Ministries (CeFaM) bilang tugon sa viewers na nangangaila-ngan ng gabay kaugnay ng iba’t ibang problema sa pamilya, pakikipagkaibigan, at pag-ibig.

Maaaring magpadala ng mga katanungan ang viewers sa mga counselor ng CeFaM sa http://bagito.abs-cbn.com/hangout tuwing Lunes hanggang Biyernes, mula 6:30PM-7:30PM.

Huwag palampasin ang mga kapanapanabik na tagpo sa teleseryeng ito na magmumulat sa isip at puso ng mga kabataan, gabi-gabi, bago mag-TV Patrol sa ABS-CBN Primetime Bida.

Para sa karagdagang impormasyon kaugnay ng Bagito, bisitahin ang official social networking sites ng Dreamscape sa Twitter.com/DreamscapePH at Instagram.com/DreamscapePH.

 

ni Nonie V. Nicasio