KC, ‘di raw kayang makaarte sa harap ni Sharon (Sa pagbabalik Kapamilya ng Megastar)

ni Rommel Placente

SA isang interview ni KC Concepcion ay hindi niya kinompirma o idinenay ang balitang babalik na ulit sa ABS-CBN 2 ang mommy niyang si Sharon Cuneta. Ang tanging nasabi lang niya tungkol dito ay siguro at hopefully.

Pero naniniwala si KC na hindi talaga maiiwanan ng tuluyan ng Megastar ang Kapamilya Network na nag-alaga sa kanya sa loob ng maraming taon. Alam din niya na hindi kayang pakawalan ng Dos ang ina ng ganoon na lang.

Wish lang ni KC na bumalik nga ang ina sa Dos para magkasama ulit sila sa iisang estayon. Pero ayaw daw niya itong makasama sa isang proyekto dahil hindi niya alam kung makakaarte siya sa harap nito.

Tungkol naman sa ginawang pagpapapayat ng ina, sabi ni KC ay 30 lbs. na raw ang nababawas sa timbang nito. Nakita niya raw ang determinasyon at kaseryosohan ni Sharon sa pagpapapayat.