Destab plot inismol ng Palasyo

MINALIIT ng Palasyo ang ulat na may gumugulong na destabilisasyon laban sa administrasyong Aquino bunsod nang brutal na pagpatay sa 44 kasapi ng Special Action Force (SAF) nang pinagsanib na puwersa ng Moro Islamic Liberation Front (MILF) at Bangsamoro Islamic Freedom Fighters (BIFF) sa Mamasapano, Maguindanao.

Sinabi ni Communications Secretary Herminio Coloma Jr., hindi dapat patulan ang mga ikinakalat na intrigang walang batayan .

“Sa kasalukuyang panahon ang pinakamainam ay huwag po tayong padadala sa mga naglalako ng mga kwentong hitik sa intriga at wala namang kongkretong batayan dahil hindi po ‘yan nakakatulong sa ating bansa,” ani Coloma.

Ang pahayag ay ginawa ni Coloma makaraan aminin kahapon ni ret. Archbishop Oscar Cruz na nakatanggap siya ng imbitasyon para lumahok sa destabiliasayon laban sa gobyernong Aquino.

Rose Novenario