Sheena, gusto na raw magka-baby

ni John Fontanilla

NAIINGIT daw si Sheena Halili sa mga kasabayan niya sa Starstruck na may mga anak na. “Dati hindi ako naiinggit , parang deadma lang, parang okey sige may baby na sila ako wala pa.

“Hindi ako apektado , happy ako for them kasi, choice ‘yun at alam kong ready na sila kasi gusto na nila magka-baby.

“Pero ‘pag si Yasmien ang nagpo-post ng picture ng baby niya, parang ang sarap halikan ng anak niya, ang ganda-ganda tapos parang ambango-bango alam mo ‘yung ganoon.

“’Yun hindi ko maiwasang mainggit, kasi ang cute-cute talaga ng baby niya.

“Ganoon pa lang pero siyempre, hindi ko pa naman iniisip na magkaroon ng baby, hindi naman agad-agad gusto mo mayroon na ‘yun ‘di ba.

“Kumbaga nandoon pa lang siguro ‘yung nahihiligan ko ‘yung bata.”

So, nagdi-dream ka ba na magkaroon na ng baby?

“Katulad ng sabi ko hindi naman agad-agad, mahirap namang magka- baby na wala ka pa ngang boyfriend o asawa ‘di ba ha ha ha.

“Siguro gusto ko munang magkaroon ng pamangkin, hindi naman baby na kaagad.

“Ang problema pa ako nga ‘yung panganay sa aming magkakapatid tapos ako ‘yung walang karelasyon.

“Kailangan ko muna ng relationship, bago ‘yung baby,” ani Sheena.