Legal na pag-aampon ni Zanjoe kay Baby Jana sa “Dream Dad” pinag-uusapan na (Cutest Kapamilya Tandem may grand fans day bukas sa Ayala Fairview Terraces)

BUO na ang loob ng karakter ng Kapamilya leading man na si Zanjoe Marudo na maging isang ama sa kuwento ng nangungunang primetime TV series sa bansa na “Dream Dad.”

Ngayong mas napamahal na siya sa ulilang bata na si Baby (Jana Agoncillo), gagawin na ni Baste (Zanjoe) ang lahat upang gawin nang opisyal ang pag-ampon rito. Paano haharapin ni Baste ang mga responsibilidad ng isang ama ngayong wala pa siyang asawa? Ano ang kanyang gagawin sa oras na bumalik ang tunay na ina ni Baby na si Bebeth (Yen Santos) at bawiin ito sa kanya?

Samantala, bilang pasasalamat sa pagsuporta ng TV viewers isang magandang buhay at hapong puno ng good vibes ang ihahatid ng cutest Kapamilya couple na sina Zanjoe at Jana ngayong Sabado (Enero 31) sa gaganaping grand fans’ day sa Ayala Fairview Terraces sa ganap na alas-singko ng hapon. Kasama rin nina Zanjoe at Jana ang kanilang co- stars na sina Beauty Gonzales, Yen Santos, Katya Santos, Ketchup Eusebio, at Maxene Magalona. Huwag palampasin ang pagpapatuloy ng feel-good family drama series na magpapangiti sa puso ng viewers, “Dream Dad,” gabi-gabi, pagkatapos ng “TV Patrol” sa ABS-CBN Primetime Bida. Para sa karagdagang impormasyon kaugnay ng “Dream Dad,” bisitahin lamang ang official social networking sites ng programa sa Facebook.com/DreamDadOfficial, Twitter.com/DreamDadTV, at Instagram.com/DreamDadTV. Maaari na rin panoorin ang full episodes o past episodes ng “Dream Dad” gamit ang ABS-CBNmobile. Pumunta lamang sa www.abscbnmobile.com para sa karagdagang impormasyon.

EXCITING NA GRAND FINALS NG GAYANG-GAYA SIYANG-SIYA BUKAS NA SA BROADWAY STUDIO NG EAT BULAGA

Malaking tulong talaga ang makeup transformation na pinauso ni Dabarkads Paolo Ballesteros para sa lahat ng mga sumali sa Gayang-Gaya Siyang-Siya (GGSS) sa Eat Bulaga partikular na sa 8 grand finalists na magco-compete bukas (Sabado) na gaganapin sa Broadway Studio ng Eat Bulaga.

Kasi nagiging kamukha talaga ng lahat ang mga ginagaya nilang foreign and local artist. And among the finalists, na kinabibilangan nina Iggy Azalea Salonga (Australian recording artist-model na si Iggy Azalea), Pinatawag Biglang Turner (Tina Turner), Taylor Sweep (Taylor Swift), Michael Jackstone (Michael Jackson), APL De Up and Down (APL de App), Beyon-Say My Name Say My Name (Beyonce), Charing Pempengco (Charice Pempengco) at PSY na si Psy-walk vendor.

O ‘di ba sa pangalan pa lang may aliw factor na paano kapag napanood pa ninyo ang kanilang mga performance sa kanilang judgment day tomorrow. Siguradong pati kayo ay mapapahanga sa mga Dabarkads natin na gayang-gaya ang mukha at siyang-siya sa pagli-lypsinc. Abangan rin kung sino ang bubuo sa panel of judges na mga pipili kung sino ang deserving na tanghaling kauna-unahang Grand winner sa GGSS.

 

ni Peter Ledesma