Arnell, na-miss ang pagho-host

 

ni John Fontanilla

BALIK-HOSTING ang actor/singer/businessman na si Arnell Ignacio via Solved na Solved kasama ang kaibigang si Gelli De Belen.

Tsika nito, “Nami-miss ko talaga ‘yung hosting, ilang taon din akong nabakante.

“Kaya nga very thankful ako sa TV5 at kay Ma’am Wilma Galvante at isinama ako sa bagong public service program na ‘ Solved na Solved’.

“Kaya balik hosting na naman ako, pero this time pang-public service naman ako ha ha ha.

“Akala ko nga pang-acting na lang ako, kasi nalilinya na ako sa pag-arte sa pelikula at stage.

“And take note ha! Nag-acting workshop pa ako at mga taga-Hollywood ang nag-facilitate, bongga ‘di ba.

“Pero iba pa rin ang hosting, ‘yun talaga ‘yung namiss ko.

“Namimis ko rin noong nagsisimula pa ako bilang host kasama si Ai Ai (Delas Alas) ‘yung dire-diretso lang, nakaka-miss ‘yun.

“’Yung talk show na tawanan lang kayo ng tawanan masaya ‘yun, ‘yun talaga ‘yung name-miss ko.

“Ngayon kasi iba na sobrang laki ng pagbabago, ‘ di tulad noon fun lang , masaya ‘yung trabaho,” pagtatapos ni Arnell.