HATAW! D'yaryo ng Bayan hatawtabloid.com
MAY nag-text sa amin na nag-propose na raw si Direk Paul Soriano kay Toni Gonzaga noong Martes ng gabi na ginanap sa Resorts World.
Base sa kuwento sa amin, close friends at family lang daw ang present sa proposal party at iyak ng iyak nga raw si Toni kasama na ang magulang niya dahil nakita nila kung gaano kamahal ng pamilya Soriano ang TV host/actress.
Nabanggit pa na walang taga-media na present sa event dahil ayaw daw talaga itong ipa-cover ni direk Paul dahil ayaw niyang maging circus o karnabal.
Sa tanong namin kung bakit hindi sinipot ni Toni ang The Buzz noong Linggo, ”ayaw niya kasing magsalita tungkol sa fiancé thing na sinabi ni Sandy (Andolong). At saka baka nga madulas siya,” sabi sa amin ng taong may alam sa isyu.
Sinubukan naman naming tawagan ang ina ni Toni kahapon na si Mommy Pinty Gonzaga pero sobrang busy ng linya.
Abangan ang susunod na kabanata, Ateng Maricris.
ni Reggee Bonoan
