Sino kaya ang nagbibigay ng stress kay Kuya Germs?

ni Timmy Basil

MABUTI’T nagpapagaling na pala ngayon si Kuya Germs pagkatapos niyang ma-mild stroke at maisugod sa St. Luke’s Hospital. Personal na inaalagaan ngayon si Kuya Germs ng kanyang anak na si Federico na nagsasabing for now ay magiging hands on muna siya sa pag-aalaga sa kanyang ama at huwag daw niya munang i-entertain ang mga taong nagbibigay stress sa kanya.

Hmmmm… nakaiintriga ito huh.

Teka, sino kaya ang mga taong nakapaligid kay Kuya Germs na nagbibigay stress sa kanya ?

Naku, sino kaya?

‘Yung staff niya kaya sa Walang Tulugan? Ang kanyang co-hosts sa naturang programa? O ang mga kabataang kasama niya rito?

Hindi naman siguro ang mga sekretarya niya dahil gamay na niya ito noon pa Hindi rin naman ang driver niyang si Tito Noli.

Teka, si Jhake Vargas kaya ang nagbibigay ng stress kay Kuya Germs?

Or baka mga reporter na emote ng emote kay Kuya Germs?

Naku, dapat ngang mailayo na muna ni Federico si Kuya Germs sa taong ‘yun or mga taong iyon para dire-diretso ang paggaling nito.

Sa totoo lang, mahal lang talaga ni Kuya Germs ang showbiz, kung tutuusin noon pa dapat siya nag-retire at namnamin na lang ang nagging bunga ng paghihirap pero hindi, nasa dugo na ni Kuya Germs ang pagbibigay kasiyahan sa publiko at pagbibigay katuparan ng mga kabataang gustong makilala sa showbiz.

Si Kuya Germs ang nagsilbing tulay ng lumang showbiz at ang kasalukuyang showbiz. Kilala siya ng mga lumang artista at the same time ng mga baguhang artista.