Jerome Ponce, excited sa seryeng Nasaan Ka Nang Kailangan Kita?

NAKARAMDAM ng excitement si Jerome Ponce sa bago nilang seryeng Nasaan Ka Nang Kai-langan Kita? na umeere na nga
yon sa ABS CBN pagkatapos ng Flordeliza. Nabanggit din niya ang pasasalamat sa Kapamilya Network sa tiwalang ibinigay sa kanya.

“Sobrang excited ako, happy, and challenged dito sa aming bagong serye. Kasi from light drama sa dati naming TV series ay binigyan nila ako ng heavy drama,” pahayag ni Jerome.

“Proud din ako sa ibinigay nilang tiwala, the way I work, the way I bring out the cha-racter.”

Matatandaang late last year, noong malapit nang magtapos ang seryeng Be Careful With My Heart na ginampanan niya ang papel na isa sa anak ni Sir Chief (Richard Yap), nagpahayag nang pangamba si Jerome sa posibleng mangyari sa kanyang showbiz career.

Nasabi niyang dahil baguhan pa lang siya, nakaramdam daw siya ng takot kung ano ang posibleng mangyari sa kanyang career kapag nagtapos na ang dating TV series nila na pinagbidahan nina Jodi Sta. Maria at Richard.

Kaya naman understandable ang kagalakan ni Jerome sa pagiging bahagi niya ng Nasaan Ka Nang Kailangan Kita? Ang seryeng ito ay ukol sa apat na babaeng sumasalamin sa iba’t ibang mukha ng pag-ibig. Ito ay pinagbibidahan nina Denise Laurel, Jane Oineza, Loisa Andalio, at Vina Morales.

Tampok din dito sina Joshua Garcia, Aleck Bovick, Arron Villaflor, at Sue Ramirez. Ito ay mula sa direksyon nina Jeffrey Jeturian at Mervyn Brondial.

 

ni Nonie V. Nicasio