HATAW! D'yaryo ng Bayan hatawtabloid.com
ni Alex Brosas
MAYROONG blind item na lumabas sa Fashion Pulis na tila ang tinutukoy ay sina Dingdong Dantes, Marian Something, at Jessica Soho.
Ang chika, maraming network artists ang sinabihang mag-participate sa isang grand event ng certified prized stars ng studio. Ang inisip ng marami ay ito ang wedding ng magdyowang Dingdong and Marianita.
Hindi raw nakalusot ang isang media personality. Kara-karakang inutusan siyang gumawa ng isang parang tribute sa magdyowa. Naloka ang media personality dahil mayroon siyang naka-schedule na interview noon pero pinagsabihan siya ng kanyang mga bossing na unahin ang interview sa prized stars ng kanilang network. Walang nagawa ang media personality kundi i-cancel muna ang interview niya sana sa isang grupo ng mga kabataan na galing pa sa malayong probinsiya at dumayo pa sa Maynila para lang sa nasabing panayam.
Ang hula ng marami, si Jessica ito dahil mayroon nga siyang special episode about the couple aired weeks ago.
Ang chika sa blind item, naimbiyerna ang mga bagets. Imagine, ilang milya nga naman ang nilakbay nila tapos biglang na-cancel ang kanilang interview all because of the special interview sa magdyowa. Mabuti na lang daw at inabonohan ng network ang ipinamasahe nila.
True ba ito, Jessica? Aba, kung totoo ito ay capable pala ang network na mag-cancel ng interview mo in favor of your station’s prized stars? Parang nabalewala ang pagiging executive mo ng GMA News, Jessica? Wala kang nagawa, Jessica?
Nakakaawa ang mga bata kung true nga na biglang-bigla ay na-cancel ang interview ni Jessica sa kanila.
Any comment, Jessica? Or GMA?
