2 patay, 7K katao apektao ni Amang

DALAWA ang naiulat na namatay dahil sa pananalasa ng bagyong Amang sa bansa.

Sa ulat na ipinalabas ng  National Disaster Risk Reduction and Management Council (NDRRMC), unang binawian ng buhay si Kristel Mae Padasas, ang volunteer sa Papal mass sa Tacloban City na nadaganan ng nagibang scaffolding.

Ang pangalawa ay kinilalang si Dominggo Tablate, 69 anyos, namatay sa pagkalunod sa Antipolo Del Sur, Virac, Catanduanes.

Habang umabot sa 1,911 pamilya o 7,990 katao ang naapektohan ng bagyo sa Bicol, Western at Eastern Visayas.

Sa ngayon ay nasa 6,000 indibidwal ang kinakalinga sa evacuation centers.

Una nito ay umabot sa 1,760 pamilya o 9,071 ang mga inilikas sa Albay, Catanduanes, Sorsogon, Camarines Norte, Leyte, Biliran, Eastern Samar, at Samar.