Listahan ng inmates para sa pardon inihanda na ng Palasyo

INIHAHANDA na ng Palasyo ang pangalan ng ilang inmates na mabibigyan ng executive clemency ni Pangulong Benigno Aquino III.

Ayon kay Justice Secretary Leila de Lima, maaaring ilabas na ang listahan ngayong linggo makaraan ang deliberasyon ng Office of the President.

Gayonman, hindi inihayag ni De Lima kung ilang inmates ang bibigyan ng clemency na kasali sa pinagpipilian.

Una rito, sinabi ng Bureau of Corrections na aabot sa 200 inmates ang kasali sa listahan.

Ang pardon ay ibibigay sa inmates na nakararamdam na ng sakit, inabandona na ng pamilya at wala nang mga bumibisita.

Ang pagpapalaya sa inmates ay bahagi ng Papal visit at magsisilbing regalo sa Santo Papa.

Rose Novenario