Nash at Alexa crush ang isa’t isa bagito mas matindi sa kanilang bagong yugto ngayong 2015

 

Humarap last Friday sa entertainment press ang tatlong stars ng Bagito na sina Nash Aguas, kalabtim na si Alexa Ilacad at ang young actress na pa-sexy nang konti ang image na si Ella Cruz para sa thanksgiving presscon na ipinatawag ng Dreamscape Entertainment.

Present rin sa presscon ang mga director ng serye na sina Direk Onat Diaz at Jojo Saguin. Una nagpasalamat sina Nash at Alexa dahil kahit malalim at maselan ang istorya ng serye nila na tumatalakay sa teenage pregnancy and parenthood ay tinanggap ng TV viewers. Para kay Nash, mas doble ang saya niya dahil una, natupad ang pangarap niyang magkaroon ng sariling teleserye and second nag-hit pa.

Kaya naman sabi ng young actor, ibang level ang happiness na talagang nararamdaman niya. Aminado rin siya at ang kalabtim na si Alexa na nakatulong ang pagkakaroon nila ng crush sa isa’t isa sa mga eksena nila together lalo na ‘yung kilig scenes. Nang matanong si Nash, kung saan siya humuhugot ng kanyang mahusay na pag-arte dahil sa napakagaling na performance niya bilang batang ama, sey niya, nadadala raw kasi siya talaga sa karakter niya. Si Ella Cruz naman very happy rin dahil finally ay nabigyan siya nang ganito kagandang project at marami raw aabangan ang viewers sa bago nilang Yugto na may kaugnayan sa anak nila ni Nash.

Samantala, upang mas makapagbigay ng gabay sa TV viewers, makikipagtulungan ang “Bagito” sa institusyon na Center for Family Ministries (CEFAM) para sa pagbubukas ng “Bagito Hangout” online forum na maaaring magtanong at humingi ng payo ang netizens sa counselors ng CEFAM. Ito ay magsisimula na sa Enero 19 (Lunes), mula 6:30PM hanggang 7:30PM sa http://bagito.abs-cbn.com/hangout.

Bukod kina Nash, Alexa, at Ella, bahagi rin ng powerhouse cast ng “Bagito” ang mga batikang artista na sina Agot Isidro, Ariel Rivera, at Angel Aquino. Kasama rin sina Paolo Santiago, Alex Diaz, at ang mga miyembro ng sumisikat na boy group na Gimme 5 na sina Joaquin Reyes, John Bermundo, Grae Fernandez, at Brace Arquia.

Huwag palampasin ang pagbukas ng bagong kabanata ng teleseryeng magmumulat sa isip at puso ng mga kabataan, “Bagito,” gabi- gabi, bago mag-”TV Patrol” sa ABS-CBN Primetime Bida. Para sa karagdagang impormasyon kaugnay ng “Bagito,” bisitahin ang official social networking sites ng Dreamscape sa Twitter.com/DreamscapePH at Instagram.com/DreamscapePH. Ma- aari na ring panoorin ang full episodes o past episodes ng “Bagito” gamit ang ABS- CBNmobile. Pumunta lamang sa www.abscbnmobile.com para sa karagdagang impormasyon. May magandang adbokasiya gyud!

 

ni Peter Ledesma