Suspensiyon vs Supt. Felonia iniutos ng Ombudsman (Sa Richard King killing)

INIUTOS ng Office of the Ombudsman ang preventive suspension laban sa isang police officer na sangkot sa pagpatay sa negosyanteng si Richard King sa Davao City noong nakaraang taon.

Sa ipinalabas na order ni Deputy Ombudsman for the Military and Other Law Enforcement Offices, Cyril Ramos, iniutos niya sa Department of Interior and Local Government (DILG) ang pagpapatupad ng suspensiyon laban kay Supt. Leonardo Felonia, hepe ng PNP Regional Intelligence Unit na nakabase sa Ecoland, Davao City.

Si Felonia ay suspendido ng anim na buwan nang walang sahod.

Magugunita, positibong tinukoy ng naarestong mga gunman na sina Paul Dave Molina Labang, Rommel dela Cerna at Rodel dela Cerna, na si Felonia ang mastermind at nagplano sa pagpatay kay King.

Bukod sa kinakaharap na criminal case, nahaharap din si Felonia sa administrative charges ng grave misconduct and conduct unbecoming a police officer sa Ombudsman.