Sniper ikakalat ng AFP

INIHAYAG ng pamunuan ng Armed Forces of the Philippines (AFP) na magpapakalat ng mga sniper sa pagbisita ni Pope Francis sa bansa.

Ayon kay AFP chief of staff General Gregorio Pio Catapang Jr., aabot sa 100 snipers mula sa Philippine Army Special Forces ang ipupwesto ng militar sa kahabaan ng Roxas Boulevard.

Simula sa Sabado, Enero 10, 2015 ‘isasailalim na sa red alert status’ ang buong pwersa ng AFP bilang paghahanda sa pagbisita sa bansa ni Pope Francis.

Sinabi pa ni Catapang , aabot sa 7,000 ang idaragdag na reserve force mula sa military reservist.

Bukod dito, nakaalerto rin ang AFP sa mga tinatawag na unmanned aerial vehicle o drone na posibleng maligaw sa mga lugar kung saan naroroon ang Santo Papa na ayon sa CAAP ay mahigpit na ipagbabawal.