Raymart, tinuldukan na ang posibilidad na pakikipagbalikan kay Claudine

ni Roldan Castro

“WALA na,” ang mabilis na tugon ni Raymart Santiago nang tanungin kung wala na bang second chance sa kanila ng estranged wife niyang si Claudine Barretto.

“Kung mayroon mangsecond chance siguro ay pagkakaibigan na lang,” aniya.

Pero mahal pa ba niya si Claudine?

“Wala na eh,” diretso niyang sagot.

Bakit isinasara niya?

“Masyadong marami nang nangyari. Sinabi ko nga kung tinanong ako nito three years ago, iba ang isasagot ko,” bulalas pa niya.

May regret ba siya na pinakasalan niya si Claudine?

“Wala,” sambit niya.

“Wala naman. Nagkaroon kami ng dalawang anak,” dagdag pa niya sabay tawa.

Hindi kaya bumalik ang pagkaka-link niya kay Jennylyn Mercado? Rati ay nagkaroon ng tsismis sa kanila noong magkasama sila sa isang serye.

“Sabi ni Jen, hindi pa ako ready,” sagot niya.

Samantala, sinuportahan pala ni Raymart si Jennylyn dahil nanood siya ng English Only Please. Kasama ba niya si Jen na nanood?

“Hindi , ako lang mag-isa, ha!ha!ha! Hindi kapatid ko kasama ko,” pakli niya.

Tanggap ni Raymart na nagda-drama na siya ngayon at hindi na action star. Nagpakita rin siya ng katawan. Shirtless na hindi niya ginagawa rati. Ang ganda raw ng katawan niya. May mga nagsasabi rin na nagmukhang binata ang aura niya at hindi na mukhang tatay.

“Napaganda pa ‘yung pagkakahiwalay ko kay Claudine,” tumatawa niyang reaksiyon.

Wala bang chance na nagkita sila ng mga anak niya noong Christmas?

“Hindi may schedule ako. Basta, may schedule ako na hindi natuloy,” sambit niya.

Hindi naman pinigil?

“Hindi ko na alam ‘yung dahilan pero naireport ko na,” sey pa niya.