Paris shooting kinondena ng PH

NAKIISA ang Filipinas sa France at iba pang mga bansa sa pagkondena sa pag-atake ng mga armado sa opisina ng satirical magazine na Charlie Hebdo sa Paris.

Ayon kay Presidential Communications Secretary Sonny Coloma, walang puwang ang naturang karahasan sa makabagong panahon at hindi ito dapat palagpasin.

Tinawag na “senseless attacks” ng Department of Foreign Affairs (DFA) ang naturang insidente na ikinamatay ng 10 mamamahayag at dalawang pulis.

Nagpahayag din ang Filipinas ng pakikiramay sa pamilya ng mga biktima.

“We are appalled by the senseless attacks that took twelve innocent lives and wounded several others in Paris. We join the French nation and the rest of the world in denouncing this blatant disregard for human lives and the fundamental right of expression. We condole and sympathize with the families of the victims as they mourn the loss of their loved ones and begin their quest for justice,” batay sa opisyal na pahayag ng kagawaran.

Una nang nagpahayag ng pagkondena sa insidente ang mga world leader kabilang si Pope Francis.