Pakikipagbati ni Kris kay Ai Ai, ‘di raw showbiz

BUKAL sa puso nina Ai Ai de las Alas at Kris Aquino ang pagbabati nila, ito ang gustong iklaro ng Queen of All Media sa kuwento niya sa Aquino and Abunda Tonight noong Martes ng gabi.

‘Showbiz’ lang daw kasi ang naganap na batian dahil nga maraming tao noong batiin ni Kris si Ai Ai kaya napilitang ngumiti na rin.

Pinatunayan ni Kris na hindi showbiz, ”I felt that we were bound to bump in each other, so inisip ko na I want to give her something with meaning and kasi all these years that we’re together in ‘PGT (Pilipinas Got Talent)’, we have a strong faith. Mayroon pang times na bago kami mag-show, ‘yung mga friend na priest ay magma-master up, kaya if I would reach out, I wanted naman also to have a gift.

“Naisip ko kasi na baka kung iba ang iregalo ko, baka ibato lang sa akin pero kung may Mama Mary, tatanggapin niya. Kaya naglakas ako ng loob and I’m being ready to snub me, so I said, ‘happy new year’ tapos sabi ko may regalo ako at nakabalot in apple green, her favorite color.

“And then simple lang ‘yung isinulat ko sa card, sabi ko, ‘sana handa na ang puso mo na kaibiganin ako ulit.”

Nagkapalitan nga raw sila ng mensahe ang dalawang aktres habang nasa Japan si Kris kasama ang mga anak na sina Josh at Bimby.

Kuwento pa ni Tetay, ”magaan (pakiramdam) na we don’t have to avoid each other at ang dami naming mutual friends na hindi malalagay sa alanganin. I think it’s also testament na kung nasaan kaming dalawa ngayon sa parte ng buhay namin kaya may maturity na, answered prayer.”

Dagdag pa ni Kris na nag-text sa kanya si Ai Ai ng, ”salamat ha,” at sinagot naman daw ng una ng, ‘thank you at nag-text ka sa akin.’

“There’s no need na ungkatin nating lahat, nasabi niya, nasabi ko, parang we will be able to be friends again.”

 

ni Reggee Bonoan