HATAW! D'yaryo ng Bayan hatawtabloid.com
ni Alex Datu
SA pag-guest ng manghuhulang si Robert Daz sa Gandang Gabi Vice ay pinanindigan nito ang hula dalawang taon na ang nakalipas na mabubuntis ni Coco Martin si Kris Aquino.
Tinawanan lang ito ni Vice na halatang ayaw maniwala sa hula pero ano kaya kung out of the blue ay biglang sabihin ng manghuhula na isa sa kanyang mga mahal sa buhay ay babawian ng buhay. Tiyak pagtatawanan ng komedyante ang magiging hula ni Daz pero ilang araw lang ang nakalipas ay namatay ang lolo na sobra nitong ipinagdalamhati.
Kung matatandaan, nawerduhan si Kris ito sa hula dahil hindi sila close ng aktor at never silang nag-bonding. Pinagtawanan niya ito dahil imposibleng magkatotoo dahil nababalitang nali-link noon ang aktres sa ibang aktor pero palihim nga lang daw.
Pati si Coco na isa rin sa mga guest ng nasabing TV show at kasama ni Kris sa Feng Shui 2 ay sobrang nagtaka dahil hindi naman nito katsika ang aktres.
Sa puntong ito, ipinaliwanag ng manghuhula na hindi naman magaganap agad ang kanyang hula pero nararamdaman nito na ang kanilang pagsasama sa Feng Shui 2 na siyang maging daan para mapalapit sa isa’t isa ang dalawa na siyang nangyayari ngayon.
Anang manghuhula, na-delay lang ang hula pero ‘yun pa rin ang kanyang vibration na mabubuntis ng aktor si Kris at magsisilang ng isang baby girl.
