Kris, wala pa ring preno ang bunganga

ni Alex Brosas

ABA, editor na pala si Kris Aquino ngayon.

Kasi naman, sinabihan niya si Jed Madela na ipabasa muna sa kanya ang kanyang messages saTwitter bago niya ito i-post para maiwasan ang kontrobersiya.

Ito kasi si Jed ay walang pagpipigil sa kanyang mga post, tamaan ang tamaan. Ang kaso, hindi naman niya mapanindigan ang kanyang mga post. Tulad na lang ng kanyang controversial tweets na patungkol sa staff ng ASAP, bigla siyang kumambiyo at sinabing hindi ang staff ngASAP ang kanyang tinutukoy kundi ang mga tao sa isang probinsiya na kanyang pinuntahan. Naimbiyerna sa kanya ang mga tao sa province na kanyang pinuntahan at muntik pa siyang i-declare na persona non grata.

Ang isa pang nakakaloka kay Kris, ibinuking nito ang bahay na ipinagagawa ni Jed para sa kanyang parents. Secret pala ito pero tactless that she is, ibinulgar ito ni Kris sa show nila niBoy Abunda.

Kaloka talaga itong si Kris, lahat na lang ay kanyang idinadaldal.

Tulad na lang ng pagbisita ni Quezon City Mayor Herbert Bautista. Aba, buong ningning na ibrinoadcast ni Kris na dumalaw sa balur niya si Mayor Bistek. Ayun, pinag-usapan ang dapat sana ay sikretong pagbisita ni Mayor Bistek sa TV host.

For 2015, ang dapat na maging New Year’s Resolution ni Kris ay ang pagpigil sa walang wawang pagsasalita at pambubuking sa mga tao.

Kris, are you listening? Ay naku, nakalimutan naming wala pa lang pinakikinggan itong si Kris. Not even her family ay kaya niyang pakinggan.