GRR TNT nagbalik-tanaw sa 2014

NAGBALIK-TANAW ang host-producer na si Mader Ricky Reyes sa mga nausong kasuotan, ayos ng buhok, at make-up noong taong 2014. Ipinakilala niya ang mga Pinoy na nakaimbento ng mga gadget na para sa pagpapabata, pagpapababa ng timbang, at pampakinis ng balat. Lahat ng ito’y napanood sa Gandang Ricky Reyes Todo Na ‘To sa GMA News TV.

Muling ipinakita ng programa ang mga lugar na puwedeng bakasyunan dahil sa tahimik na kapaligiran, sariwang hanginm at masasarap at masusustansiyang pagkaing nakapagpapalusog.

Binigyang-karangalan din ng GRR TNT ang mga atletang nagbigay ng karangalan sa bansa tulad ni Pambansang Kamao Manny Pacquiao sa larangan ng boksing, gold medalist sa Archery na si Luis Miguel Moreno, ang mga miyembro ng Gilas sa basketball at tropa ngAskals sa football.

Itinampok din ang tsikahan ni Mader sa mga artistang nag-trending sa social media dahil sa kanilang mga programa tulad ng Rhodora X, My Husband’s Lover, Nino, Ang Dalawang Mrs. Real, at iba pa.

Mula kay Mader RR, GMA News TV at prodyuser ng programa na ScriptoVision—Manigong Bagong Taon Sa Inyong Lahat. Magkita-kita pa rin tayo para sa marami pang kaalaman sa kalusugan, kagandahan, at kabuhayan na layuning ihatid ng award-winning lifestyle show. Sabi nga, Mader know’s best.