HATAW! D'yaryo ng Bayan hatawtabloid.com
UMABOT sa 15 katao ang sugatan makaraan magkarambola ang 14 sasakyan dakong 7 p.m. nitong Sabado sa Baguio City.
Ayon sa ulat, inararo ng isang delivery truck ng LPG ang 13 sasakyang pababa ng Brgy. San Vicente sa bahagi ng Kennon Road.
Ayon kay Fritz Moyag ng “On-call 911” rescue unit, kabilang sa mga sugatan ang isang kritikal na 8-anyos batang babaeng sakay ng isang jeep.
Sugatan din ang mismong truck driver na si Corla Constante. Nakunan pa ng video ang isinagawang paghugot kay Constante mula sa pagkaipit sa truck.
Habang ayon sa pahinanteng si John Ray Calimlim, nawalan ng preno ang truck habang pababa ng Kennon Road.
Ginagamot sa Baguio General Hospital ang mga biktima.
