Seaman nadulas sa barko tigok

HINDI nagawang maisalba ang buhay ng isang seaman nang aksidenteng madulas at tumama ang ulo sa gilid ng bakal ng main deck ng barko hanggang sa mahulog sa Manila Bay ang 54 kahapon ng madaling araw sa Pasay City.

Patay na nang matagpuan ng mga tauhan ng Philippine Coast Guard ang biktimang si Esmeraldo Malolot, may asawa, 3rd mate seaman ng M/V Spirit of Manila, isang passenger ship, at tubong Cagayan De Oro City.

Sa imbestigasyon ni PO2 Robinson Alsol, dakong 1:45 a.m. nang mangyari ang insidente sa Manila Bay, Pasay City.

Sa pahayag ni Joel Lagyap ng Philippine Coastguard, nakasakay ang biktima at naglalakad sa loob ng M/V Spirit of Manila nang aksidenteng madulas at nawalan ng balanse hanggang tuluyan mahulog sa dagat na may 15ft ang lalim ng tubig

Ipinabatid agad ni Lagyap sa mga kasamahan ang pagkahulog ni Malolot at nagsagawa ng rescue operation ngunit makalipas ang dalawang oras ay narekober ang bangkay ng biktimang si Malolot.

Jaja Garcia