Kathryn, humahataw kahit wala si Daniel

HINDI kasama ni Kathryn Bernardo si Daniel Padilla sa Wansapanataym pero hataw pa rin ito sa ratings game. Patunay lang na kaya ni Kathryn ng walang ka loveteam.

Samantala, isang mahalagang desisyon para sa kanyang kinabukasan ang gagawin ng karakter ng Teen Queen na si Kathryn sa pagpapatuloy ng Wansapanataym Presents Puppy ko si Papi.

Sa gitna ng pagkakaayos ng samahan nilang mag-ama, muling susubukin ang pagmamahal ni Iris (Kathryn) para sa kanyang Papi Douglas (Dominic Ochoa) na binigyan siya ng kanyang lola ng pagkakataon na makapag-aral sa ibang bansa at maging mas malaya.

Si Khalil Ramos ang kapartner ni Kathryn sa nasabing episode ng Wansapanataym at kasama rin nila sina Marlann Flores, Chienna Filomena, Apollo Abraham, John Steven de Guzman, at John Lapus mula sa panulat ni Yam Tanangco Domingo at direksiyon ni Don Cuaresma.

Ang original story book ng batang Pinoy na Wansapanataym ay handog ng Dreamscape Entertainment Television, ang grupong may likha ng mga de-kalibre at top-rating TV masterpiece gaya ng Walang Hanggan, Ina, Kapatid, Anak, Juan dela Cruz, at Ikaw Lamang. Huwag palampasin ang pagpapatuloy ng Wansapanataym special ni Kathryn.

ni REGGEE BONOAN