Anak ni Robin na si Camille, hanga sa pagho-host ng ama

NAALIW kami sa kuwento ni Mariel Rodriguez sa pagdating ng anak ni Robin Padilla kay Leah Orosa na si Camille. Inglisera kasi ang  dalaga at hindi marunong mag-Tagalog.

“Umalis si Robin, ‘di ba? Galing siya ng Japan? Pag-uwi niya, napansin ko na napagod nga yata ito. Paano, ‘di na nag-effort mag-English, Tagalog niya kinakausap ang anak niya, tina-translate ko. ‘Yun ang role ko. Alam ko kasi ‘pag pagod siya o lalo na ‘pag bagong gising siya, ‘di siya nag-i-English. Sasabihin niyan, ‘Sandali lang, kagigising ko lang.’”

Nasorpresa talaga si Binoe sa pagdating ni Camille galing US dahil pinag-ipunan ng dalaga ang pagbili ng plane ticket. Four years din palang hindi niya nakikita ang anak.

“Noong bago kami ni Robin, nandito lahat ng mga anak niya, ‘tapos ngayon lang uli. Kaya talaga it was such a special moment for him, I really want him to bond with his children. Talagang natutuwa ako because ang talagang nagbibigay ng happiness kay Robin are his children,” sambit pa ni Mariel nang makatsikahan namin sa grand finals ng Talentadong Pinoy 2014.

Hanggang ngayon na lang si Camille sa Pinas at ‘di na makakasama ang ama sa Pasko.

“Camille is here until the 16th, mahal na ‘yung ticket ‘pag nagpa-rebook siya. Pera lang niya ang ginamit niya tapos sumakto,” bulalas pa ni Mariel.

Pero nang mapanood daw ni Camille ang Talentadong Pinoy, sey niya… ‘Dad, you’re such a good host.’

Anyway ang Ultimate Talentado noong Sabado ay isang Davaoeño Hall of Famer na si Neil Rey Garcia. Nag-uwi siya ng P1-M cash prize.

Congrats!

ni Roldan Castro