HATAW! D'yaryo ng Bayan hatawtabloid.com
ni Roldan Castro
VERY vocal si Vice Ganda sa pagsasabing may li__g siya kay Tom Rodriguez kaya gustong-gusto niya itong kasama sa The Amazing Praybeyt Benjamin. Kahit nasa kabilang estasyon na si Tom siya pa rin ang kinuha?
“Kontrabida siya pero kaya siya ang kinuha namin kailangan kasi ‘yung kontrabida ay guwapong lalaki rin. Parang weakness ko, instead na talunin ko siya, nahihirapan akong matalo ‘yung li___g ko sa kanya, ‘yung ganoon,” paliwanag niya.
So may elya factor siya kay Tom?
“Oo, sa totoong buhay nali___gan ako sa kanya,” pag-amin niya.
Naipakita ba ‘yun sa pelikula?
“Oo. Ha!ha!ha! Kusang naipakita sa fight scene, naisisingit pa rin, eh..kaya gustong-gusto ko ‘yung mga fight scene kasi may mga yakapang hindi sinasadya, may mga dikitan, may mga talsikan ng laway. Eh, mabango ang hininga nitong si Tom, eh,” sey pa niya.
Hindi rin daw maaaring hindi niya paghubarin si Tom sa pelikula.
Ano naman ang reaksiyon ni Tom Rodriguez sa pag-amin ni Vice na may pagnanasa ito sa kanya?
“Wala..wala basta enjoy..enjoy kami. ‘Yun nga, sinasabi ko na hindi ko na ini-expect na ganoon kadugo ‘yung fight scene namin. Akala ko comedy-comedy lang,” aniya.
Hindi naman daw siya naiilang kay Vice kung may mga sundot itong nae-elya sa kanya.
Nagkasama na raw sila ni Vice sa Petrang Kabayo. Sobrang na-enjoy daw niya ‘yun kaya noong i-offer sa kanya ang The Amazing Praybeyt Benjamin alam daw niya na masaya sa shooting kaya nag-go siya.
‘Yun na!
