HATAW! D'yaryo ng Bayan hatawtabloid.com
UMUULAN man, hindi napigil ng bagyong #Ruby ang pagsisimula ng kauna-unahang Quezon City International Pink Film Festival sa Trinoma Mall na 15 bansa ang kalahok kabilang na ang Germany, Thailand, Sweden, USA, Indonesia, France, Vietnam, Cambodia, Japan, Malaysia, Croatia, at ang Pilipinas.
Well attended ang opening ng Pink Festival na dinaluhan nina Quezon City MayorHerbert Bautista at Vice Mayor Joy Belmonte, at mga foreign guest mula sa iba’t ibang bansa. Nagkaroon muna ng maikling show na kumanta sina Sam Concepcion atMorisette Amon. Nagbigay naman ng magagandang sayaw ang mga performer ngClub Mwah. Nag-host naman ang ex-PBB na si Rica Paras kasama ang isa pang kapatid na nakalimutan namin ang name.
Nakausap ng entertainment press si Mayor Bistek at natanong ito tungkol sa naging komento ni Korina Sanchez sa TV Patrol na umaani ng katakot-takot na batikos ngayon. Bagamat isang hoax ang kumakalat na balitang idineklara siyang Persona Non-Grata ng Prime Minister ng Japan naging usap-usapan pa rin ito.
“Well, si Korina is a friend of mine, and Mar (Roxas, asawa ni Korina) is my party mate sa Liberal Party. Ah, I just hope that ano. . .si Ambassador Lopez naman is the Ambassador of Japan, the representative from Philippines to Japan, and I hope that his excellency Ambassador Lopez will do something about it. Tutal, they belong to the same company naman, eh.
“Well, no less than Prime Minister Abe (of Japan) himself mentioned it, but I know it’s such a very light incident, madali namang ma-patch up. I hope it patches up soon,” ani Bistek.
Kung ating matatandaan, nagbigay ng komento si Ate Koring in jest sa TV Patrol na sana raw ay sa Japan na lang tumama ang bagyong si #Ruby. After that, katakot-takot na batikos na ang inabot ni Ate Koring.
Ani Bistek, nagulat din siya sa pangyayari. ”Well, here, talagang makikita natin na global na talaga ang mundo natin. ‘Yun bang kahit na ikaw ay developing country at nag-issue ka ng statement na hindi naman talaga ganoon kaseryoso, malalaman ng isang developed country.
“That’s why, kahit ako nagiging maingat na rin sa pagsasalita,” sambit pa ng mayor ng QC.
Sa kabilang banda, malapit din si Bistek sa mga LGBT (lesbians, gays, bisexual, transgender) individuals bilang lumaki rin siya sa showbiz kaya naman proud siya na ang QC ang magho-host ng eight-day festival kasabay na rin ang selebrasyon ng 75th year ng Quezon City.
Ang International Pink Festival (IPF) ay ang Asia’s largest LGBT film event na ang mga kasaling pelikula ay tungkol sa mga gays, lesbians, bisexuals, at transgenders. Tatakbo ang festival hanggang Dec. 16.
ni Maricris Valdez Nicasio
