HATAW! D'yaryo ng Bayan hatawtabloid.com
KANSELADO ang presscon ng Feng Shui ni Kris Aquino kahapon, Martes, Disyembre 9 dahil nag-landfall na ang bagyong #Ruby na may international name na #Hagupit.
Ang Feng Shui ang entry ng Star Cinema at K-CAP (Kristina Bernadette Cojuangco Aquino) ngayong 2014 Metro Manila Film Festival na pagbibidahan nina Jonee Gamboa, Cherie Pie Picache, at Kris mula sa direksiyon ni Chito Rono.
Hindi lang ang bagyong Ruby ang dahilan kaya ipinagpaliban ang presscon kundi kailangan pang magdagdag ng mga eksena ang nasabing pelikula.
Nabanggit dati ni Kris na tapos na silang mag-shoot kaya kataka-taka kung bakit may additional scenes pa, mensahe sa amin ng taga-Star Cinema ay, ”abangan mo kung bakit nagdagdagan.”
Maging ang pelikulang Praybeyt Benjamin ni Vice Ganda ay may additional scene rin daw kasama si Bimby Aquino Yap.
Sabi nga namin sa taga-Star Cinema, baka naman hindi na kami makauwi sa sobrang takot pagkatapos naming mapanood ang Feng Shui he, he, he, he.
ni Reggee Bonoan
