HATAW! D'yaryo ng Bayan hatawtabloid.com
NEW York City, USA —Sold out ang The River show ng Australian Hollywood aktor na si Hugh Jackman kasama sina Laura Donnelly and Cush Jumbo na idinirehe ni Ian Rickson na ginanap sa Circle in the Square, 50th Street West of Broadway, New York, NY noong Biyernes ng gabi kahit na malakas ang ulan sa lungsod.
Sobrang paborito pala ng mag-iinang Sylvia Sanchez, Ria Atayde, at Arjo Atayde si Hugh kaya laking pasalamat nila na bago magkaubusan ng tickets ay nakapagpa-reserve na sila at take note, $236 each, eh, lima kami kaya umabot sa $1,180.00.
Sinabi talaga ni Ibyang kay Hugh, “we really like you and we flew all the way from the Philippines just to watch your show and these are my kids (sabay pakilala kina Ria at Arjo).
At nagulat kami sa sagot ni Hugh, “oh, from the Philippines, I’m worried about the Philippines tonight because there’s typhoon, right?”
Nagulat kami dahil speechless ang aktres na kilalang madaldal at maingay kaya’t napangiti si Hugh at siya mismo ang yumakap kay Nanay Teresita ng Be Careful with my Heart na sinamantala naman dahil tatlong beses ding yumakap ang huli.
Nang si Ria na ang kukunan ay nasabi niya kay Hugh, “oh my God, I think I’m going to faint,” at natawa ang Hollywood actor sabay sabing, “no you’re not” sabay kabig din sa dalaga at nagpa-picture na.
At nang si Arjo na ang kukuna ng litrato kasama si Hugh ay lakas ding sinabi ni Ibyang na he’s also an actor.
Kinamayan ni Hugh si Arjo at sabay sabing, “goodluck in your acting and be REAL.”
Kaya ang binata ay tulala rin dahil akalain mo, sikat at premyadong aktor sa Hollywood ang nagpayo sa kanya at higit sa lahat, galing mismo sa isa sa idol ni Arjo ang nagsabi.
In fairness, super bait ni Hugh dahil pinapalabas at pinipigilan na kami ng bodyguards ay nagsabi ang hollywood actor ng, “it’s okay, let them.”
At paglabas ni Hugh ng theater ay sangkaterba pala ang nag-aabang sa kanya para magpapirma ng tickets at playbill (programme) at lahat ay pinagbigyan, ‘yun nga lang hindi na sila nakapagpa-picture dahil nagmamadali na siya at may lakad pa.
Reggee Bonoan
