3 tepok sa kotse vs motorsiklo

PATAY ang driver at dalawang angkas nang salpukin ng isang kotseng nag-overtake ang sinasakyan nilang motorsiklo sa Manila-Cavite Road, Brgy. 8, Dalahican, Cavite City, kahapon ng umaga.

Kinilala ni Cavite Provincial Director, Sr. Supt. Jonnel Estomo, ang mga biktimang namatay na sina Norman Gavilla, ng Sitio Maguyam, Silang, Cavite; Albert Bobadilla, 36, ng Brgy. 7, Amaya, Tanza; at ang driver na si Ramon Magluyan, 53, ng Maligaya 1, Nueva Ecija.

Nakakulong sa Tanza Police ang suspek na si Erickson Gob, 43, may-asawa, physician, miyembro ng Philippine Navy Medical Corps, at residente ng Phase 8-C, Masangkay St., Maharlika Village, Brgy. Bahayang Pag-asa, Imus City, Cavite.

Sa imbestigasyon ni PO3 Jonathan Baclas, dakong 6 a.m., binabaybay ng mga biktima ang nasabing lugar sakay ng Honda XRM motorcycle na wala pang plaka, nang salpukin ng black Mitsubishi Lancer (TGI-453).

Tumilapon ang mga backrider na sina Gavilla at Bodadilla habang si Magluyan ay nadaganan ng motorsiklo.

Beth Julian