HATAW! D'yaryo ng Bayan hatawtabloid.com
SA Wawa, Bataan nabanggit ni Robin Padilla nang nagsu-shooting ito roon ng Andres Bonifacio na matagal na n’yang ambisyong makasama sa Metro Manila Film Festival. Hindi nga lang daw magkaroon ng pagkakataon. Kaya naman hindi na niya pinalampas noong mapasakamay niya ang istoryang Andres Bonifacio.
Kuwento ng actor, gusto niyang makasali pero ‘yung isasalin niyang pelikula ay ‘yung maipagmamalaki. ‘Yung hindi madaling kalimutan at mag-iiwan ng marka sa mga manonood.
Hindi naman nagkaproblema si Robin sa kinuhang kapareha na si Vina Morales, mismong si Mariel Rodriguez kasi nag-suggest na kunin si Vina. Gandang Filipina si Vina at walang negang imahe sa mga tagahanga.
Megan at Valerie, parehong produkto ng Star Magic
BIHIRA ang nakakapansin, dalawa na sa naging Miss World Philippines ay nanggaling sa Star Magic. Ito ay sina Megan Young, Miss World 2013 at Valerie Wiegman, Ms. World 2014.
Si Valerie ay kasa-kasama nina Jose Manalo, Wally Bayola, at Paolo Ballesteros na sumusugod sa bahay-bahay bago nanalong Miss World. Pahulaan pa nga kung mananalo rin si Valerie.
Sina Barbie at Miguel ang totoong magsyota
TOTOO kayang sa totoong buhay, sina Barbie Forteza at Miguel Tan Felix ang magsyota at hindi si Bianca Umali?
Si Bianca naman daw ay kay Jillian Trono, dating Sexbomb dancer?
Libro ni Rita, nakarating kay Pope Francis
MUNTIK daw mapaiyak ang showbiz couple na sina Rita Avila at Direk Eric Reyes noong tumanggap ng thank you message from Papa Francis ng Roma.
Natanggap na raw kasi ng Papa ang mga librong regalo ni Rita na ipinadala sa Roma, ang librong 8 Ways to Comfort with Grace at The Invisible Ways.
Napasabay sa pagdating ng Thank you ni Papa sa ikawalong taong pagkawala ng kanilang anak si Jesu.
Noong Dec. 2, naimbitahan ang aktres na magbasa ng libro niyang isinulat sa UP. Binasahan niya ang mga batang estudyante. Binigyan ni Rita si Marian Rivera ng librong isinulat n’ya, noong biglang sumulpot sa kanyang book signing sa MOA.
Vir Gonzales
