HATAW! D'yaryo ng Bayan hatawtabloid.com
PATAY ang isang sinasabing gun runner na tulak ng illegal makaraan makipagbarilan sa aarestong mga awtoridad sa operasyon ng pulisya kamakalawa ng gabi sa Caloocan City.
Agad namatay sa insidente ang suspek na si Roderick Depaz, 34, alyas Odek, ng Phase 7A, Package 10, Brgy. 176, Bagong Silang ng nasabing lungsod.
Habang sugatan din ang mga purok leader ng Brgy. 176 na sina Dandi Ortilla at Richard Domalanta, sanhi ng mga tama ng bala ng kalibre .45 sa paa at hita.
Batay sa ulat ni PO3 Gomer Mappala, may hawak ng kaso, dakong 9:30 p.m. nang maganap ang insidente sa Phase 5B, Block 22, Lot 29, ng nasabing barangay makaraan ang maikling ha-bulan.
Nauna rito, nagsasagawa ng surveillance operation ang mga miyembro ng Intelligence Branch nang mapansin ang dalawang tao sa pagitan ng isang Honda (OY-6393) at Racal motorcycle (NZ-2996) ngunit mabilis na tumakbo nang mapansin ang mga pulis.
Pagkaraan ay nakipagbarilan na si Depaz hanggang sa bumulagtang walang buhay sa loob ng pinasok na bahay.
Nakuha ng mga tauhan ng Scene of the Crime Operatives (SOCO) sa katawan ng suspek ang isang kalibre .45, dalawang magazine na puno ng bala at dalawang sachet ng hinihinalang shabu.
(ROMMEL SALES)
