HATAW! D'yaryo ng Bayan hatawtabloid.com
Buong-pusong tinanggap ng mga manonood ang regalong Christmas TV special ng ABS-CBN na “Give Love on Christmas.” Ayon sa datos mula sa Kantar Media noong Lunes (Disyembre 1), wagi ang pilot episode ng unang kwento ng “Give Love on Christmas” na pinamagatang “The Gift Giver” dahil sa nakuha nitong national TV rating na 12.9% Samantala, tiyak na mas mapapamahal ang mga manonood sa “The Gift Giver” ngayong natuklasan na ng mga anak ni Tatay Ernest (Eddie Garcia) na mayroon siyang malubhang sakit. Paano babaguhin ng kalagayan ni Tatay Ernest ang samahan ng kaniyang mga anak na sina Julie (Dimples Romana), Eric (Carlo Aquino), at Rose (Aiko Melendez)? Mahahanap ba ng magkakapatid sa kanilang mga puso na patawarin ang kanilang ama bago maubos ang panahon nito? Ang “Give Love on Christmas” ay Pamaskong handog ng Dreamscape Entertainment Television, ang grupong lumikha ng mga de-kalibre at top-rating na TV masterpiece gaya ng “Walang Hanggan,” “Ina Kapatid Anak,” “Juan dela Cruz,” at “Ikaw Lamang.” Huwag palampasin ang pagpapatuloy ng “Give Love on Christmas” tuwing umaga, bago mag-“It’s Showtime” sa Prime-Tanghali ng ABS-CBN. Para sa karagdagang impormasyon kaugnay ng “Give Love on Christmas Day,” bisitahin lamang ang official social networking sites ng programa sa Twittter.com/DreamscapePH at Instagram.com/DreamscapePH.
ni Peter Ledesma
