Vic, naniniwalang malayo ang mararating ni Ryzza Mae dahil sa pagiging ismarte

ni Pilar Mateo

FROM the mouth of babes! “Absolutely! Without a doubt!” ang hirit ng Aleng Maliit na si Ryzza Mae Dizon sa tanong kay Bossing Vic Sotto (na ipinasa sa kanya) tungkol sa pagna-number one ng My Big Bossing sa darating na MMFF (Metro Manila Film Festival) sa Christmas season.

At hindi naman pagdududahan talaga kung ang naturang pelikula ang muling manguna sa takilya. Dahil trilogy ang ihahandog ng OctoArts, M-Zet, at APT-with three directors na subok na ang magic sa takilya—direk Tony Y. Reyes for Sirena, Bb. Joyce Bernal for Prinsesa, at Marlon Rivera for Taktak.

Tinanong ko si Bossing Vic na hindi naman maikakaila na sobra ang bilib sa kanilang ‘baby’na si Ryzza Mae. Nakikita ba niya na magiging Superstar kundi man isang napakalaking star ni Ryzza in the future?

“As it is, ngayon pa lang Ryzza is already a star in her own right! Superstar na siya! Kahit saan mo dalhin. Kung saan-saan na kami nakarating sa mga probinsiya here even abroad, alam at nakikita namin ‘yung impact, eh. And she’s growing to be an intelligent kid. Pati sa acting, sa lahat ng ipinagagawa sa kanya. More than anything, ‘yung pagiging smart niya—that’s what would get her to where she’s supposed to be!”

That’s from the mouth of Big Bossing!