HATAW! D'yaryo ng Bayan hatawtabloid.com
ni PILAR MATEO
HE takes after the dad!
Naiyak din ba kayo sa hindi inaasahang kapalaran ng mag-amang AJ at Jody Saliba sa Amazing Race Philippines 2 noong Sabado?
Anim na racers na lang ang natitira patungo sa finish line!
Pinaluha ng mag-amang AJ at Jody na mga tubong Olongapo ang mga manonood dahil sa kanilang katatagan at determinasyong manalo sa karera.
Sa final challenge ng Leg 7 na kailangan nilang magkabit ng mga duyan sa mga puno ng niyog ng hindi nahuhulog, ipinakita ni Daddy AJ na gagawin niya ang lahat ng makakaya para mairaos ang karera nilang mag-ama. Nalaglag ang mag-ama sa ika-anim na puwesto matapos manguna sa ika-anim na leg dahil napagdesisyonan ng apat sa lima pang teams na sila ang i-yield sa leg na ito.
Samantala, nanguna naman sa leg na ito ang Team Chefs na sina Eji Estillore at Roch Hernandez. Sila ay nagkamit ng PHP 200,000 cash prize mula sa Rexona. Sinundan sila ng dating couple na sina Matthew Edwards at Phoebe Walker (2nd), at Magkapatid Jet at Yna Cruz (3rd). Pang-apat namang dumating ang mga Mr. Pogi na sina Kelvin Engles at JP Duray bago ang Team Nerds at Team Mag-ama.
Tiyak na mas titindi pa ang mga eksena sa The Amazing Race Philippines lalo pa’t huling dalawang linggo na ng karera!
Maki-takbo na!
