HATAW! D'yaryo ng Bayan hatawtabloid.com
PIPILITIN ng Alaska Milk na mapanatili ang pangunguna sa PBA Philippine Cup sa kanilang pagtatagpo ng crowd-favorite Barangay Ginebra mamayang 7 pm sa Mall of Asia Arena sa Pasay City.
Maghihiwalay naman ng landas ang NLEX at Barako Bull na kapwa naghahangad na opisyal na pumasok sa quarterfinals sa kanilang salpukan sa ganap na 4:15 pm.
Kasosyo ng Aces sa liderato ang San Miguel Beer sa record na 8-1 subalit kailangan nilang mawalis ang nalalabing dalawang games upang makadiretso sa semifinals.
Kahit na talunin nila ang Gin Kings ay must-win pa rin sila kontra Rain or Shine (7-2) sa Biyernes upang masungkit ang automatic semifinals berth na nakalaan para sa top two teams sa pagtatapos ng elims.
Humahabol ang Elasto Painters at puwede nilang makuha ang automatic semis slot kung magwawagi sila sa huli nilang dalawang laro.
Ang Aces, na galing sa 90-84 come-from-behind win laban sa NLEX, ay binubuhat nina Calvin Abueva, Sonny Thoss, Cyrus Baguio, JVee Casio at Dondon Hontiveros.
Ang Gin Kings ay natalo sa kanilang huling tatlong laro laban sa San Miguel Beer (79-77), Meralco (109-99) and Globalport (98-77) aat bumagsak sa ikawalong puwesto kasama ng Purefoods sa record a 5-4.
Kung matatalo pang muli ang Gin Kings ay puwede silang dumausdos pababa sa ikapito hanggang ikasampung puwesto na mangangahulugang kailangan nilang talunin ng dalawang beses ang makakaengkwento sa quarterfinals.
Ang Gin Kings aysumasanbdig kina Gregory Slaughter, Japhet Aguilar, Mark Caguioa, LA Tenorio at Chris Ellis.
Ang NLEX at Barako Bull ay kapwa may 3-6 karta at kailangang magwagi upang makaiwas sa kumplikasyon sakaling manalo ang Kia Sorento (1-8) sa huling dalawang laro nito.
Ang Road Warriors, na pinamumnunuan nina Paul Asi Taulava at Mark Cardona, ay galing sa dalawang masasakit na pagkatalo. Pinayuko sila ng Rain or Shine at Alaska Matapos na lumamang sila sa huling dalawang minuto.
Ang Barako Bull ay galing sa 97-82 panalo kontra Blackwater Elite. Si Energy coach Koy Banal ay umaasa kina Dennis Miranda, Mick Pennisi, Carlo Lastimosa at Jake Pascual.
ni Sabrina Pascua
