HATAW! D'yaryo ng Bayan hatawtabloid.com
BILANG pagdiriwang sa Holiday Season, ibinida ang Lego Santa, na may kasamang sleigh, isang sako ng mga regalo at siyam na reindeer, pawang yari sa 750,000 bricks, sa Convent Garden ng London.
IBINIDA ang Lego Santa, na may kasamang sleigh, isang sako ng mga regalo at siyam na reindeer, pawang yari sa 750,000 bricks, sa Convent Garden ng London.
Umabot ng 32 araw ang pagbubuo sa obra maestra ng tanging professional Lego builder ng Britain, na si Duncan Titmarsh.
“We’ve packed a few spare antlers too, just in case,” pahayag ni Mr.Titmarsh sa The Guardian.
Ang sleigh at crew nito ay idinesenyo at binuo ng team sa pangunguna ni Mr. Titmarsh, isa sa 13 accredited full-time Lego professional builders sa mundo.
Natanggap ni Mr. Titmarsh ang kanyang unang set ng Lego sa gulang na 4-anyos, at nagumon na rito, at ang obsesyon ay tumagal hanggang sa magkaroon na siya ng interes sa mga dalagita noong siya ay binatilyo na.
Ngunit ang kanyang misis na si Sharon ang naghikayat sa kanya na bumili ng helicopter kit na nakita niya sa shop kaya nabalik ang kanyang landas sa Lego.
Sumali si Mr. Titmarsh sa local adult Lego modellers’ club at kalaunan ay nahilingan na gumawa ng special pieces para sa birthday party at mga presentasyon.
Hanggang sa matuklasan niyang marami na siyang natatanggap na building Lego jobs kaysa kanyang ‘proper’ job bilang kitchen fiter kaya nagdesisyon nang magpaka-propesyonal sa Lego.
Sa kasalukuyan ay mayroon na siyang 15 full-time staff, at dumarami na rin ang isinasagawang major projects katulad ng sleigh. (ORANGE QUIRKY NEWS)
