HATAW! D'yaryo ng Bayan hatawtabloid.com
ni Alex Brosas
CARRY palang tumanggi ni Manny Pacquiao, ha. Imagine, parang inaayawan pa niya ang alok nina Arnold Schwarzenegger at Sylvester Stallone na makasama siya sa fourth installment ng The Expendables. Nakakaloka siya, ‘di ba? Ayaw ba niyang makasama sina Jet Li, Wesley Snipes, Bruce Willis, Antonio Banderas, Jean Claude Van Damme, Jason Statham, at Harrison Ford?
Say ni Manny, it all depends on his schedule pa raw. Kung kakayanin pa ng kanyang schedule ay at saka niya gagawin ang movie.
O, ‘di ba ang taray ni Manny?
Hindi ba naisip ni Manny na ang offer na ganito ay hindi na dapat pinag-iisipan. Tataas ang market value niya kapag nasali siya sa Hollywood movie lalo pa’t box office ang naturang film.
Isa pa, he will be in the league of Hollywood biggies and legends, isang pagkakataon na hindi na mangyayari sa buong buhay niya.
Kung kami siya, gagawa kami ng paraan para makasama sa movie nina Sylvester at Arnold. Siya lang ang binigyan ng ganitong pagkakataon, tapos mag-iinarte pa siya? (Oo nga, minsan lang dumating ang ganitong opportunity kaya go na!!!—ED)
Naku, pag-isipan mong mabuti ang offer, Manny, at baka magsisi ka sa bandang huli. Do the movie, pronto!
Ay, inutusan daw namin ang Pambansang Kamao!
