Koreano naglaslas, nahulog sa 8/f ng condo, kritikal

CEBU CITY – Kritikal ang kalagayan ng isang Korean national nang maglaslas ng pulso at nahulog mula sa 8th floor ng inuupahang condominium sa La Guardia Street, Brgy. Apas lungsod ng Cebu.

Kinilala ang biktimang si Kang Sung-Hwi, 46, tubong Hyosung Korea at pansamantalang nakatira sa nasabing lugar.

Ayon kay SPO1 Rommel Bancog ng Homicide Section ng CCPO, problema ng biktima ang ka-walan ng pera at hindi nakapagbabayad sa inuupahang condominium.

Ang nasabing impormasyon ay kinompirma ng dayuhan nang makausap siya ng pulisya.

Dagdag ni Bancog, nitong Martes ay bumisita ang may-ari ng condominium kay Kang upang singilin ngunit wala si-yang perang maibayad.

Kamakalawa ay naglasing si Kang sa kanyang kwarto at tatlong beses na naglaslas ng pulso.

Bagama’t duguan ay nakatayo pa siya at nagpunta sa terrace upang magpahangin.

Sumandal siya sa railings ngunit dahil sa kala-singan ay nahulog mula sa terrace at sumabit sa kable ng koryente bago tuluyang nahulog sa lupa.