HATAW! D'yaryo ng Bayan hatawtabloid.com
ITINANGGI ni Jose Manalo ang tsika na may lovelife siya ngayon. Actually, iniintriga si Jose na umano ay may ka-live-in daw na dating dancer ng Eat Bulaga. Pero pinabulaanan ito ng magaling na komedyante.
Sinabi ng ka-tropa sa Sugod Bahay Gang-Juan For All. All For Juan na wala siyang karelasyon ngayon. In fact, halos four years na raw loveless si Jose, mula nang naghiwalay sila ng kanyang misis.
“Wala akong dyowa nga-yon, wala talaga. Alam mo naman ang mga artista, kung ano ang mga isyu, yun at yun din naman ang ipinupukol sa iyo,” saad niya sa isang panayam.
Nagsimula ang intriga nang may makakita raw kay Jose na kasama ang babaeng ka-live-in niya umano, habang nagjo-jogging. Pero, sinabi niyang wala siyang babaeng ibinabahay. “Wala pa tayong ibinabahay. Hindi pa natin kayang magbahay, marami pa tayong obligasyon.”
Ayon pa kay Jose, patuloy pa rin siya sa pagbibigay sa obligasyon niya sa kanyang mga anak. Sinabi rin ng komedyante na na-trauma siya sa nangyari sa kanya kaya umiiwas muna siya sa pakikipagrelasyon at naka-focus sa kanyang trabaho.
Bukod sa Eat Bulaga, si Jose ay napapanood sa Celebrity Bluff at Vampire Ang Daddy Ko. Kasama rin siyempre siya sa pelikulang My Big Bossing, na siyang entry ni Bossing Vic Sotto ngayong MMFF 2014.
ni Nonie V. Nicasio
