Gimme 5, may kanya-kanyang tipo ng tsiks

ni Roldan Castro

HINDI na talaga maawat ang pagsikat ni Nash Aguas. Kapapalabas pa lang ng pinagbibidahan niyang serye na Bagito, ini-launched naman ang album ng Gimme 5 na siya ang lider kasama sina Joaquin Reyes, John Bermundo, Brace Arquiza, at Grae Fernandez.

Hatid Sundo ang titulo ng kanilang carrier single. Nakapaloob din sa album ang kantang Aking Prinsesa, pero wala silang matukoy kung sino ang kanilang prinsesa at kanino nila iaalay ang awiting ‘yun.

Pero bukod kay Alexa Ilacad, si Georgina Wilson ang crush ni Nash. Si Grae ay si Kim Chiu dahil mahilig siya sa chinita. Si Joaquin ay si Julia Barretto, si John ay si Ella Cruz, at si Brace ay si Liza Soberano.

Binuo ni Mr. M (Johnny Manahan), head ng Star Magic ang Gimme 5 bilang grupo ng mga binatilyo sa A.S.A.P. 19. Parang Kanto Boys lang sa ASAP at hindi nila akalain na mauuwi ito sa pagkakaroon ng isang album under Star Records.

Ayon kay Nash, nag-voice lessons sila bago gawin ang album. Nag-improve raw ang boses niya dahil noong bata pa siya ay parang pinupunit na maong ang boses niya.

Nang tanungin ang Gimme5 kung ano ang masasabi ng bawat isa sa ugali nila, panalo ang anak ni Mark Anthony Fernandez na si Grae sa kakulitan at parang naglalaro lang. Si John naman daw ang pinakamabait at hindi marunong magsinungaling. Si Joaquin ay chill lang at malambing, si Brace ay sobrang mahilig sa babae at chickboy.