4 OFW patay sa car crash sa Canada

07BINAWIAN ng buhay ang apat overseas Filipino worker sa vehicular accident sa Alberta, Canada.

Papunta sanang Kingman sina Archie Bermillo, Romil Mose, Rosalinda Tipdas at Eva Janet Caperina nang dumulas ang sasakyan nila sa bahagi ng kalsada na balot ng snow dahilan para makabanggaan nila ang isang tractor.

Agad nalagutan ng hininga ang mga biktima sa insidente.

Empleyado ng isang kilalang burger joint sina Bermillo at Mose habang parehong nagtatrabaho bilang yaya sina Tipdas at Caperina.

Biyuda na si Caperina na namatayan ng asawa sa isang motorcycle accident noong nakaraang taon.

Nag-umpisa nang maglikom ng pondo ang mga kaibigan ng mga namatay para maiuwi sa Filipinas ang bangkay ng mga biktima.

Nakipagkasundo na ang Office of the Honorary Consul sa Edmonton sa employer ng mga biktima para sa agarang repatriation ng kanilang mga labi.