HATAW! D'yaryo ng Bayan hatawtabloid.com
KRITIKAL ang kalagayan ng isang Masbateño makaraan saksakin ng nakainomang batang Samar nang magtalo sa hindi nabatid na dahilan kamakalawa ng gabi sa Caloocan City.
Nilalapatan ng lunas sa Dr. Jose N. Rodriguez Memorial Hospital ang biktimang kinilalang si Merolo Francisco, 42, at residente ng Vanguard St., Brgy.178, Camarin ng nasabing lungsod sanhi ng mga tama ng saksak sa iba’t ibang bahagi ng katawan.
Habang agad naaresto ang suspek na si Ricardo Adora, 57, karpintero, ng Pili St. ng nasabing barangay, nahaharap sa kasong frustrated murder.
Batay sa ulat ni PO2 Rio Velez, dakong 7:20 p.m. habang nag-iinoman ang dalawa nang bigla silang magtalo.
Sa puntong ito, bumunot ng patalim ang suspek at inundayan ng saksak ang biktima.
Mabilis na tumakas ang suspek ngunit naaresto sa follow-up operation ng mga pulis.
