HATAW! D'yaryo ng Bayan hatawtabloid.com
BINAWI na ng Bureau of Immigration (BI) ang blacklist oder laban sa siyam mamamahayag ng Hong Kong na sinasabing nambastos kay Pangulong Benigno “Noynoy” Aquino III sa APEC Summit sa Bali, Indonesia noong isang taon.
Ipinawalang-bisa ng Immigration, kasunod ng rekomendasyon ng National Intelligence Coordinating Agency (NICA), ang inisyu nitong kautusan noong Hunyo 6, 2014.
“Upon evaluation of the NICA letter dated November 21, 2014 and received by the BI yesterday (November 24), the BI has deemed it proper to lift the blacklist order against the foreign nationals,” ani Immigration Spokesperson Atty. Elaine Tan.
Dagdag ni Tan, mismong NICA, na humiling ng blacklist order, ang nagsabing dapat nang alisin ang utos dahil walang “untoward incident” na nangyari nang dumalo si Pangulong Aquino sa APEC Summit sa China.
“Following normal protocol, the BI heavily relied on the advice of the NICA to lift the blacklist as NICA is presumed to be in a better position to know the facts surrounding the initial finding of undesirability and subsequent reversal of such finding,” dugtong ng tagapagsalita.
Maaari na muling pumasok ng Filipinas ang mga mamamahayag bilang turista sa ilalim ng regular ng immigration process.
Edwin Alcala
